Nýundirritaður kjarasamningur Icelandair og Flugfreyjufélags Íslands (FFÍ) er nú kynntur félagsmönnum FFÍ á fundi sem hófst klukkan 11 og haldinn er á Hilton Hótelinu.
Á fundinum kynna fulltrúar samninganefndar og stjórnar FFÍ nýundirritaðan kjarasamning sem undirritaður var aðfaranótt sunnudags. Atkvæðagreiðsla um samninganna mun hefjast n.k. miðvikudag og stendur til mánudagsins 27. júlí.
Í samtali við Rás 1, sagði Guðlaug Líney Jóhannsdóttir, varaformaður FFÍ, að samningurinn byggi á þeim samningi sem undirritaður var 25. júní s.l. og síðar var felldur. Að hennar sögn voru litlar breytingar gerðar á samningnum. Guðný lýsir því að mjög margir séu í sárum og þungt hljóð sé í félagsmönnum. Vísar hún þar m.a. til þess að flugmenn hafi samþykkt að ganga í störf flugfreyja.
Fundinum lauk nú á fyrsta tímanum.