Sjómannafélag Íslands hefur aflýst vinnustöðvun sem hefjast átti á miðnætti í kvöld eftir að samkomulag náðist á milli félagsins og Herjólfs ohf. um viðræðuáætlun.

Þetta kemur fram í tilkynningu frá Sjómannafélaginu, en vinnuáætlunin er eftirfarandi: í fyrsta lagi á að klára starfslýsingu þerna og háseta, í öðru lagi á að skoða forsendur starfsaldurshækkana, í þriðja lagi á að skoða vinnutímastyttingu lífskjarasamningsins með sérfræðingum aðila, í fjórða lagi á að skoða forsendur launahækkunar miðað við lífskjarasamning með sérfræðingum aðila og í fimmta lagi á að koma á hvíldaráætlun í samræmi við alþjóðalög.

Stefnt er að því að viðræðum þessum verði lokið fyrir mánudaginn 17. ágúst.

Þriðja vinnustöðvun undirmanna á Herjólfi átti að hefjast á miðnætti í kvöld og standa í þrjá sólarhringa, eða til miðnættis miðvikudagsins 23. júlí. Fyrsta vinnustöðvunin fór fram 7. júlí og stóð í sólarhring og önnur hófst á miðnætti 14. júlí og stóð í tvo sólarhringa, en þá ákváðu forsvarsmenn Herjólfs að sigla þess í stað Herjólfi III.

Fréttin hefur verið uppfærð.

Tengdar fréttir

Kjaramál sjómanna

SVG og VM samþykktu samninginn

• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS
• „Ekki kjörstaða að vera í“

» Fleiri tengdar fréttir

• Blogga um frétt