Íþróttabandalag Reykjavíkur mun á þriðjudag taka ákvörðun um hvort og með hvaða hætti halda skuli Reykjavíkurmaraþonið, sem samkvæmt óbreyttu skipulagi á að fara fram laugardaginn 22. ágúst.
Hrefna Hlín Sveinbjörnsdóttir, verkefnastjóri hjá ÍBR, segir í samtali við mbl.is að um þessar mundir standi yfir fundir með fulltrúum almannavarnadeildar ríkislögreglustjóra og öðrum þeim aðilum sem að skipulagningu hlaupsins koma.
Bandalagið sjálft muni svo eiga fund á þriðjudagsmorgun, þar sem tekin verði ákvörðun um framhaldið.