Aron Þórður Albertsson
Áætlanir Icelandair miðast við að fyrirtækið geti komist í gegnum aðra bylgju kórónuveirusmita. Fyrirtækið er jafnframt vel í stakk búið til að takast á við slíka áskorun.
Þetta segir Birna Ósk Einarsdóttir, framkvæmdastjóri sölu- og þjónustusviðs Icelandair, í Morgunblaðinu í dag.
Í kjölfar frétta af útbreiðslu veirunnar hér á landi hefur Icelandair nú yfirfarið þjónustustig og upplýsingagjöf fyrirtækisins. „Við erum að snúa hlutunum við einu sinni enn til að vera tilbúin. Við erum í startholunum fyrir hvað sem er. Nú erum við að skoða innanlandsflugið og þjónustustigið þar,“ segir Birna.
Spurð hvort nýjar reglur stjórnvalda hafi áhrif á félagið segir Birna að þau verði ekki mikil.