Lögreglu hefur tekist að ræða við karlmann á sjötugsaldri, sem grunaður er um íkveikju sem olli brunanum á Bræðraborgarstíg 25. júní.

Þetta staðfestir Margeir Sveinsson, aðstoðaryfirlögregluþjónn hjá miðlægri rannsóknardeild hjá lögreglunni á höfuðborgarsvæðinu.

Í gæsluvarðhaldsúrskurði frá miðjum mánuðinum kom fram að ekki hefði tekist að ræða við hann vegna andlegra veikinda hans að undanförnu. 

Frétt af mbl.is

Bruninn rannsakaður sem manndráp af ásetningi

Maðurinn er nú í gæsluvarðhaldi vegna almannahagsmuna, en varðhaldið er til 6. ágúst. Margeir segir að málið sé rannsakað sem grunur um íkveikju. Fréttablaðið greindi frá því að maðurinn sé grunaður um að hafa brotið 211. grein almennra hegningarlaga sem snýr að manndrápi af ásetningi, en Margeir ítrekar að rannsóknin gangi út á grun um íkveikju.

Frétt af mbl.is

Áfram í gæsluvarðhaldi vegna brunans

Margeir segir að rannsóknin sé vel á veg komin, en hann vill ekki gefa neitt nánar upp varðandi rannsóknina sjálfa.

Tengdar fréttir

Eldsvoði við Bræðraborgarstíg

Fjórir alvarlegir brunar á árinu

• Slökkviliðsstjóri fái sérstaka eftirlitsheimild
• Staðfesta öryggisvistun í Bræðraborgarstígsmáli
• Krefjast 324 milljóna vegna brunans
• Eignir kyrrsettar vegna brunans á Bræðraborgarstíg

» Fleiri tengdar fréttir

• Blogga um frétt