Björgunarsveitin á Dalvík var kölluð út um klukkan fjögur í dag vegna göngumanns í Karlsárdal sem slasast hafði á fæti.
Greiðlega gekk að komast að viðkomandi og var hann fluttur af björgunarmönnum í sjúkrabíl og kominn þangað rúmlega fimm.
Fór hann með sjúkrabílnum á sjúkrahús til nánari skoðunar en meiðsli hans voru við fyrstu sýn ekki talin alvarleg, að því er fram kemur í tilkynningu frá Landsbjörg.