19 af hverjum 20 ekki með COVID

Tjaldið er staðsett við gamla Orkuhúsið.
Tjaldið er staðsett við gamla Orkuhúsið. mbl.is/Árni Sæberg

Tjald sem mun nýtast við sýnatöku vegna kórónuveiru hefur nú risið við gamla Orkuhúsið við Suðurlandsbraut 34. Þar munu ökumenn geta farið í kórónuveirupróf. Tveir bílar eiga að geta verið í tjaldinu samtímis, að sögn Óskar Reykdalssonar, forstjóra Heilsugæslunnar á höfuðborgarsvæðinu.

Tjaldið verður vonandi tekið í notkun í vikunni.

Á upplýsingafundi almannavarna í dag beindi Óskar því til fólks að hringja á undan sér væri það með einkenni kórónuveirunnar, í stað þess að mæta beint á heilsugæslu. Í samtali við mbl.is í dag sagði Óskar að það væri ekki mikið um að fólk mætti beint á heilsugæslu í stað þess að hringja á undan sér en þó hefðu einhverjir gert það. Þá sagði Óskar að nítján af hverjum tuttugu sem hefðu samband við heilsugæsluna vegna gruns um kórónuveirusmit væru ekki smitaðir. 

mbl.is