Hinn fjórtán ára gamli Gabríel Warén bjargaði þrastarunga úr gini heimiliskattarins Ronju á dögunum. Ljóst þótti að ekki væri ráðlegt að sleppa unganum aftur þar sem hann yrði auðveld bráð einungis á tveimur jafnfljótum og hreiðrið hvergi að sjá.

Gabriel Warén og Pípí ná vel saman. Sá síðarnefndi mun víst fylgjast með unglingnum í tölvuleikjum og hefur það náðugt í herberginu með honum. Ljósmynd/Aðsend

Því tók Gabríel ófleyga ungann að sér. Málið vandaðist þó þegar átti að gefa unganum í gogginn en hann leit ekki við ormunum né pöddunum sem reynt var að koma ofan í hann. Mamma ungans, sem hefur hlotið hefur nafnið Pípí, hafði þó kallað eftir honum við heimilið frá því að hann lenti í gini Ronju. Fjölskyldan brá því á það ráð að leggja Pípí út á á svalirnar þar sem móðir hans gat gefið honum í gogginn. Svona hefur þetta gengið hjá fjölskyldunni í Kópavoginum undanfarna daga.

Móðir Pípís gafst ekki upp á unganum þó hann væri kominn á annað heimili og beið eftir því að geta gefið honum í gogginn. Ljósmynd/Aðsend

Heimilisfaðirinn Vilhjálmur Warén segir að væntanlega styttist þó í að Pípí taki flugið þar sem hann hefur mundað sig við flugæfingar á svölunum að undanförnu. Í myndskeiðinu að ofan má sjá myndskeið sem fjölskyldan hefur tekið af ferlinu.

Pípí hefur haft aðsetur í herbergi Gabríels frá því að fjölskyldan tók hann að sér. Ljósmynd/Aðsend

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Skógarþrastaplágan er vond, - hún er verri en kóvíð nítjándi, …