Hafna ásökunum um arðrán

Samherji hætti allri starfsemi í Namibíu í lok árs í …
Samherji hætti allri starfsemi í Namibíu í lok árs í fyrra. Fyrirtækið er sem fyrr meðal umsvifamestu sjávarútvegsfyrirtækja Íslands. mbl.is/Sigurður Bogi

Dótturfélög Samherja í Namibíu töpuðu nærri einum milljarði króna á umsvifum sínum á árunum 2012-2018. Þetta sýna samantekin reikningsskil sem nú liggja fyrir og Morgunblaðið hefur fengið aðgang að.

Rekstrartekjur dótturfélaga Samherja í Namibíu námu 41,1 milljarði króna og rekstrarkostnaður 38,9 milljörðum. Að teknu tilliti til afskrifta, fjármagnsgjalda, tekjuskatts o.fl. var afkoma félaganna því neikvæð á tímabilinu.

Í umfjöllun um mál þetta í Morgunblaðinu í dag segir Björgólfur Jóhannsson, forstjóri Samherja,  þessar tölur staðfesta að fullyrðingar sem komið hafa fram á undanförnum mánuðum þess efnis að fyrirtækið hafi „arðrænt“ samfélagið í Namibíu séu ekki á rökum reistar. Umsvifin hafi skilað miklum fjármunum inn í samfélagið þar í landi.

„Uppgjörið sýnir að ekki er fótur fyrir þeim alvarlegu ásökunum. Ásökun um arðrán í Namibíu var mjög þungbær fyrir stjórnendur Samherja. Tölurnar sýna hins vegar að greiðslur til namibískra aðila á tímabilinu námu rúmlega 21 milljarði króna á gengi dagsins í dag.“

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:

Bloggað um fréttina

Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »