Mjaldrarnir komnir til Klettsvíkur
Setja bókamerki
Mjaldrarnir Litla-Grá og Litla-Hvít eru loks komnar í Klettsvík við Vestmannaeyjar. Þangað voru þær fluttar í dag og gekk flutningurinn afar vel, að sögn Audrey Padgett, framkvæmdastjóra Sea Life Trust í Vestmannaeyjum. Pláss er fyrir átta mjaldra í viðbót á griðasvæði Litlu-Gráar og Litlu-Hvítar.
„Litla hvít og litla grá eru nú öruggar í Klettsvík og teymi frá okkur fylgist með þeim í nótt til þess að ganga úr skugga um að þeim líði vel,“ segir Audrey í samtali við mbl.is.
Mjöldrunum líður vel í nýjum heimkynnum sínum, að sögn Audrey.
„Ég held að þær verði hamingjusamar þarna. Þarna fá þær að vera í mikilli nálægð við náttúruna og fá meira pláss. Svo er líka pláss fyrir fleiri mjaldra á griðasvæðinu.“
Spurð hvort von sé á fleiri mjöldrum segir Audrey:
„Við einbeitum okkur núna að Litlu-Hvít og Litlu-Grá en það komast allt að átta mjaldrar í viðbót fyrir á griðasvæðinu,“ segir Audrey.
Aukin tíðni þungunarrofa hjá yngsta aldurshópnum
Benda á Samgöngustofu sem bendir út í heim
„Ert þú þá svona latte-lepjandi hjólagaur?“
Starfsfólk gæti fengið reikning frá Skattinum
Slökkva í síðustu glæðunum á morgun
„Hvað ef það hefði verið lokuð heiði?“