Tveir smitaðir í Eyjum og 79 í sóttkví
Setja bókamerki
Tveir einstaklingar eru nú í einangrun smitaðir af kórónuveirunni í Vestmannaeyjum og 79 í sóttkví. Einn einstaklingur hefur lokið sóttkví. Þetta kemur fram í tilkynningu frá aðgerðastjórn Vestmannaeyja.
Í gær fór fram skimun á vegum Heilbrigðisstofnunar Suðurlands í Vestmannaeyjum meðal einstaklinga í sóttkví og var hún vel sótt. Á morgun fer fram skimun á vegum Íslenskrar erfðagreiningar til að kanna útbreiðslu veirunnar í Vestmannaeyjum.
Einn greindist smitaður af kórónuveirunni í Eyjum í gær. Degi áður var greint frá því að einstaklingar sem voru gestkomandi í Vestmannaeyjum um verslunarmannahelgina hefðu greinst smitaðir.
Aðgerðastjórnin hvetur þá sem hafa skráð sig til að mæta og ítrekar mikilvægi þess að bæjarbúar gæti vel að eigin smitvörnum og sæki C-19-smitrakningarapp almannavarna.
Aðilum með flensueinkenni er bent á að hafa samband við læknavaktina í síma 1700 og fá tíma í sýnatöku.
Færa slökkviliðið til nútímans
„Búið að vera í dreifingu í einhvern tíma“
29 nautgripir fundust dauðir
Segjast ekki vera á kaldri slóð
Gerir ráð fyrir 150 samningum í næstu viku
Mun fara sparlega með málskotsréttinn
Hæstiréttur staðfestir vanhæfi alls Landsréttar