Íslandi og Færeyjum hefur verið bætt á rauðan lista grænlenskra stjórnvalda. Farþegar frá löndunum tveimur þurfa nú að fara í tveggja vikna sóttkví við komuna til landsins.

Grænlenska landstjórnin greindi frá þessu í dag og sagt er frá í grænlenska blaðinu Sermitsiaq. Sóttkvíin er þó ekki algjör. Fólki er heimilt að fara í matarbúðir og stunda önnur nauðsynleg viðskipti sem ekki er mögulegt að láta aðra gera. Þá er hægt að fara í skimun fimm dögum eftir komuna til landsins og sé niðurstaða hennar neikvæð losnar fólk undan sóttkvínni.

Í fréttatilkynningu frá grænlensku landstjórninni segir að ákvörðunin sé tekin vegna þróunar kórónuveirunnar á Íslandi og í Færeyjum. 114 virk smit eru nú á Íslandi og er nýgengi smita, fjöldi nýrra smita síðustu 14 daga á hverja 100.000 íbúa, nú 29,4.

Í Færeyjum eru aftur á móti 99 virk smit og nýgengið 205,4.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt