25 fjölmiðlaveitur sóttu um sérstakan rekstrarstuðning vegna kórónuveirufaraldursins til fjölmiðlanefndar en umsóknarfrestur rann út sl. föstudag.
400 milljónir verða til úthlutunar en á þessari stundu er ekki hægt að gefa upplýsingar um þær upphæðir sem sótt er um, að sögn Elfu Ýrar Gylfadóttur, framkvæmdastjóra fjölmiðlanefndar.
Hún segir í umfjöllun um mál þetta í Morgunblaðinu í dag að nefndin sé nú að fara yfir umsóknirnar.