Slökkvilið höfuðborgarsvæðisins fór í fimm útköll á slökkviliðsbílum síðasta sólarhringinn og 83 sjúkraflutninga, þar af tvo COVID-tengda flutninga. Af sjúkraflutningunum voru 15 forgangsflutningar.
„Eins og allir landsmenn vita hefur orðið aukning á COVID-tengdum veikindum og tökum við hjá SHS þátt í baráttunni með landsmönnum við að sigrast á veirunni.
Eitt af okkar hlutverkum er að flytja fólk sem er með COVID í hinar og þessar rannsóknir. Bílarnir okkar, sem flytja sitjandi fólk, eru sérmerktir sem ætti vonandi að koma í veg fyrir að fólk fái fyrir hjartað þegar það mætir þessum bílum í umferðinni,“ segir á Facebook-síðu SHS.