Hagkvæmara að herða kröfur en losa

Skimun virðist borga sig.
Skimun virðist borga sig. Morgunblaðið/Íris

Í ljósi stöðu faraldursins alþjóðlega og hérlendis er þjóðhagslega hagkvæmt að skima á landamærum, í þeim skilningi að skimunin virðist svara kostnaði þar sem hátt hlutfall smitaðra er greint og þeir sem ferðast valda samfélagslegum kostnaði vegna smithættu. Þetta kemur fram í minnisblaði fjármála- og efnahagsráðherra. 

Var minnisblaðið unnið vegna fyrirhugaðrar endurskoðunar á sóttvarnaráðstöfunum á landamærum. Kemur það í kjölfar greinargerðar um efnahagsleg sjónarmið við losun ferðatakmarkana frá því í júní. Þá þótti hvorki rétt að opna né loka landamærum algjörlega. 

Fremur eigi að herða en losa kröfur

Að því er segir í minnisblaðinu virðast hin hagrænu rök frekar hníga að því að herða en losa kröfur. Ef of langt er gengið í þeim efnum er einfaldara að vinda ofan af þeim ákvörðunum en að hemja útbreitt smit.

Þá segir enn fremur að hagfræðileg rök bendi til þess að þeir sem leggja í ferðalög eigi að greiða sérstaklega fyrir samfélagslegan kostnað sem af því hlýst við núverandi aðstæður, til viðbótar við greiðslu fyrir kostnað af landamæraskimun. 

mbl.is

Bloggað um fréttina