Fjögur kórónuveirusmit greindust á sýkla- og veirufræðideild Landspítalans í gær. Fimm smit greindust við landamærin en tvö þeirra eru virk. Beðið er mótefnamælingar hjá hinum þremur.
Þetta kemur fram á covid.is.
Alls eru 122 í einangrun, einn á sjúkrahúsi en enginn á gjörgæslu. 472 eru í sóttkví.
Af sex smitum við landamærin í fyrradag voru fimm virk og eitt með mótefni.
465 sýni voru tekin hjá sýkla- og veirufræðideild Landspítalans, 39 hjá Íslenskri erfðagreiningu og 2.678 við landamærin.