Stefna á opnun Dýrafjarðarganga í október

Vegaframkvæmdir við munna Dýrafjarðarganga við Mjólkárvirkjun.
Vegaframkvæmdir við munna Dýrafjarðarganga við Mjólkárvirkjun. mbl.is/Árni Sæberg

Vonir standa til að hægt verði að opna Dýrafjarðargöng í október. Til stóð að opna göngin 1. september, en heimsfaraldur kórónuveiru og illviðri í vetur hefur sett strik í reikninginn.

Guðmundur Rafn Kristjánsson, fulltrúi Vegagerðarinnar í verkinu, segir að göngin séu farin að líta vel út, en að enn sé of snemmt að segja til um dagsetningu fyrir opnun ganganna. „Þetta er aðeins á eftir áætlun,“ segir Guðmundur.

„Við vonumst til að geta opnað í október, en við þurfum að fresta þessu um alla vega mánuð vegna veirunnar og veðurs. Veðrið í vetur hafði talsverð áhrif, það var svo vont veður í Dýrafirði að það var ekki hægt að komast inn í göngin í nokkra daga. Svo hafa orðið tafir á aðföngum og erlendir starfsmenn þurft að fara út af veirunni,“ segir Guðmundur í Morgunblaðinu í dag og bætir við að síðustu forvöð fyrir opnun séu áður en snjó tekur að festa.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 2.090 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »