Enn bjartsýnn á bóluefni á nýju ári
Setja bókamerki
„Þótt þetta sé ekki gleðiefni þarf þetta ekki að koma stórkostlega á óvart. Ég man ekki eftir einu einasta tilfelli við þróun á bóluefni þar sem ekki hefur komið bakslag. Við þá vinnu eru menn að sækja sér nýja þekkingu og til þess þarf að fálma í rökkrinu. Þetta er flókið mál,“ segir Kári Stefánsson, forstjóri Íslenskrar erfðagreiningar.
Í gærkvöldi var greint frá því að fyrirtækið AstraZeneca hefði stöðvað þróun bóluefnis við kórónuveirunni eftir að einn þátttakandi í rannsókn þess veiktist skyndilega. Bóluefnið var á lokastigum prófana og ráðgert hafði verið að Ísland fengi bóluefni frá AstraZeneca ef markaðsleyfi fengist.
Kári segir í samtali við mbl.is að vísindamenn AstraZeneca hafi verið búnir að bólusetja stóran hóp manna. Einn þeirra hafi orðið fyrir alvarlegu fyrirbrigði sem að öllum líkindum sé aukaverkun af bóluefninu. „Nú setjast menn niður og reyna að skilja hvað gerst hefur. Ef þetta reynist vera vegna bóluefnisins þá eru þeir komnir aftur á byrjunarreit,“ segir Kári, sem minnir á að níu önnur fyrirtæki séu að vinna að þróun bóluefnis við kórónuveirunni.
Hann segir að erfitt sé að búa til lyf og bóluefni enda sé með því verið að fikta í líkama mannsins. Við þá vinnu verði að finna rétt jafnvægi milli þess að finna nógu sterkt ónæmissvar gegn sjúkdómnum án þess að það beinist gegn líkama mannsins.
„Ég er enn þá mjög bjartsýnn á að það verði komið bóluefni á markað í byrjun næsta árs,“ segir Kári um framhaldið.
Shakespeare fannst í skókassa
Kostnaður meiri en milljón á fermetra
Handteknir eftir myndatöku í Vesturbæjarlaug
Gígbarmurinn hækkað frá því í gær
Skiptir miklu meira máli en fólk grunar
Árshátíð ríkislögreglustjóra haldin í Tékklandi
Æskuvinur Íslendings myrtur í Noregi
„Á réttri leið en nokkuð í land ennþá“