Rannsókn lögreglu á tildrögum brunans við Bræðraborgarstíg í júní síðastliðnum er lokið og er málið því komið á borð héraðssaksóknara. Grunur er um að karlmaður á sjötugsaldri, sem setið hefur í gæsluvarðhaldi síðan bruninn varð, hafi brotið gegn 211. grein almennra hegningarlaga en hún kveður á um manndráp af ásetningi.

Kolbrún Benediktsdóttir varahéraðssaksóknari staðfesti það við RÚV í dag að málið væri komið á borð embættisins. Hún sagði að málið væri nú til skoðunar. 

Frétt af mbl.is

Áframhaldandi gæsluvarðhald vegna brunans

Fram kom í úrskurði héraðsdóms þegar varðhald yfir hinum grunaða var framlengt í fyrsta sinn að maðurinn væri grunaður um að hafa brotið gegn 211. grein almennra hegningarlaga. Hann er því grunaður um manndráp af ásetningi en refsing við slíku sé fangelsisvist allt að ævilangt og eigi skemur en fimm ár. 

Þrír létust í brunanum á Bræðraborgarstíg og vakti málið mikla reiði meðal margra sem kröfðust úrbóta í málefnum erlends verkafólks á Íslandi. Öll þau sem létust í brunanum voru pólskir ríkisborgarar.

Tengdar fréttir

Eldsvoði við Bræðraborgarstíg

Fjórir alvarlegir brunar á árinu

• Slökkviliðsstjóri fái sérstaka eftirlitsheimild
• Staðfesta öryggisvistun í Bræðraborgarstígsmáli
• Krefjast 324 milljóna vegna brunans
• Eignir kyrrsettar vegna brunans á Bræðraborgarstíg

» Fleiri tengdar fréttir

• Blogga um frétt