Innkalla brauð vegna lúpínu

Bónus kjarnabrauð.
Bónus kjarnabrauð.

Myllan hefur ákveðið með tilliti til neytendaverndar og í samráði við Heilbrigðiseftirlit Reykjavíkur að innkalla Bónus kjarnabrauð vegna lúpínu. 

Fram kemur í tilkynningu að það brauð sem er innkallað sé merkt best fyrir 15.09.2020. 

Við innra eftirlit mun hafa uppgötvast að hluti annarrar brauðframleiðslu fór í poka merkta sem Bónus kjarnabrauð. Brauðið inniheldur ofnæmis- og óþolsvaldandi lúpínu sem er ekki í Bónus kjarnabrauði. 

Neytendur með ofnæmi eða óþol fyrir lúpínu eru varaðir við því að neyta vörunnar. Varan er örugg fyrir þá sem ekki hafa óþol eða ofnæmi fyrir lúpínu. 

Hægt er að skila Bónus Kjarnabrauði með best fyrir 15.09.2020 í verslanir þar sem það var keypt. 

mbl.is