Íslendingur vann tæplega 62 milljónir í getraunum í gærkvöldi og er þetta stærsti vinningur sem Íslendingur hefur unnið í getraunum, að því er Íslensk getspá greinir frá.
„Mikið var um óvænt úrslit á sunnudagsseðli getrauna og var Íslendingurinn sá eini í heiminum sem var með alla leikina 13 rétta en miðinn var keyptur í sölukassa með sjálfvali. Fyrir 13 rétta voru 52 milljónir í vinning en miðahafinn var einnig með fjölda aukavinninga sem færir honum tæplega 62 skattfrjálsar milljónir,“ segir í tilkynningunni
Eigandi miðans hefur ekki ennþá gefið sig fram með miðann góða og hvetjum við því alla sem keyptu miða til að skoða hann vel.