Forsvarsmenn Fótbolta.net brutu siðareglur
Setja bókamerki
Siðanefnd Blaðamannafélags Íslands hefur úrskurðað að Hafliði Breiðfjörð, stofnandi og ábyrgðarmaður Fótbolta.net og ritstjórarnir Magnús Már Einarsson og Elvar Geir Magnússon hafi brotið siðareglur í tengslum við nafn og myndbirtingu af Andreu Rán Snæfeld Hauksdóttur knattspyrnukonu eftir að hún hafði greinst með Covid-19. Miðillinn greindi fyrstu frá nafni hennar í tengslum við fréttaflutning af málinu.
Í úrskurðinum sem birtur var í dag kemur fram að siðanefnd telji meginatriði málsins vera að nafn Andreu hafi verið birt í heimildarleysi ásamt mynd af henni í tengslum við frétt af smiti leikmanns í úrvalsdeild kvenna í knattspyrnu.
Málið komið upp eftir að fyrsta bylgja faraldursins hafði gengið yfir og var búið að gefa grænt ljós á að knattspyrnuleikir mættu fara fram á ný. Var megininntak fréttarinnar að Íslandsmótið í knattspyrnu gæti verið í uppnámi vegna þessa.
Segir í úrskurðinum að siðanefndin telji ekki að sérstök nauðsyn hafi verið til að upplýsa um nafn Andreu eða að birta mynd af henni vegna þessa.
Andrea kom síðar í viðtal við mbl.is þar sem hún fór yfir áhrif fréttaflutningsins og nafn- og myndbirtingarinnar. Sagði hún nafnbirtinguna hafa verið áfall og hún hafi farið að kenna sér um þá stöðu sem gæti verið fram undan.
„Það þarf að vinna mikinn fjölda upp“
Telur forsendur fyrir vaxtalækkun
„Höfum ekki náð að skríða upp úr þeirri gryfju“
„Umsátursástand“
Handteknir eftir myndatöku í Vesturbæjarlaug
Skiptir miklu meira máli en fólk grunar
Væri að ljúga ef ég segðist ekki stressaður
Árshátíð ríkislögreglustjóra haldin í Tékklandi