21 innanlandssmit greindiust í gær, 19 á sameiginlegri deild sýkla- og veirufræðideildar Landspítala og Íslenskrar erfðagreiningar (ÍE), eitt í annarri skimun ÍE og eitt í sóttkvíar- og handahófsskimunum. Sjö þeirra sem greindust voru í sóttkví við greiningu en 14 utan sóttkvíar.
Tveir eru inniliggjandi á sjúkrahúsi vegna COVID-19 en í gær lá einn á sjúkrahúsi.
Þrjú smit greindust við landamæraskimun. Mótefnamælingar er beðið öllum tilvikum. Þrjú þeirra fjögurra smita sem greindust við landamærin á fimmtudag reyndust virk.
Samtals eru nú 793 í sóttkví og fjölgar þeim um tæplega 200 á milli daga. 108 eru í einangrun og fjölgar þeim um 24 á milli daga. 2.002 eru í skimunarsóttkví en þeim fækkar um 120 á milli daga.
998 sýni voru tekin á sameiginlegri deild sýkla- og veirufræðideildar Landspítalans og ÍE í gær, 1.649 sýni í annarri skimun ÍE, 457 í sóttkvíar- og handahófsskimun og 905 sýni í fyrri og seinni landamæraskimun.