Alma Möller landlæknir, Þórólfur Guðnason sóttvarnalæknir og Sigríður Björk Guðjónsdóttir ríkislögreglustjóri fara yfir stöðu mála á upplýsingafundi vegna kórónuveirunnar í dag.
Fundurinn hefst sem fyrr klukkan 14 og er haldinn í Katrínartúni.
Í gær var tilkynnt um að 38 ný kórónuveirusmit hefðu greinst á laugardaginn.
Fregnir bárust af smiti á Landspítalanum og víðar í gær, auk þess sem nemendur, kennarar og annað starfsfólk í framhalds- og háskólum hafa verið hvött til að vera með grímur.