Reyndist sviptur ökuréttindum eftir fyrri afskipti

Aðstoðar lögreglu var óskað í gærkvöldi vegna óvelkominna einstaklinga í stigahúsi fjölbýlishúss í Reykjavík. Þegar lögreglu bar að voru einstaklingarnir allir farnir. 

Fram kemur í dagbók lögreglu að fimm ökumenn hafi í nótt og gærkvöldi verið stöðvaðir, grunaðir um akstur undir áhrifum fíkniefna. Einn ökumannanna reyndist sviptur ökuréttindum vegna fyrri afskipta lögreglu. Þá er farþegi í bifreiðinni grunaður um vörslu fíkniefna. 

Þá var óskað eftir aðstoðar lögreglu að hóteli í austurbæ Reykjavíkur, en í anddyri hótelsins var ölvaður einstaklingur til vandræða. Aðstoðar lögreglu var einnig óskað að veitingastað í miðborginni þar sem ölvaður einstaklingur var til vandræða og neitaði að yfirgefa staðinn. 

• Blogga um frétt