Forstjóri heilsugæslunnar í sóttkví
Setja bókamerki
Óskar Reykdalsson, forstjóri Heilsugæslunnar á höfuðborgarsvæðinu, er í sóttkví eftir að hafa farið í fréttaviðtal.
„Ég er alveg frískur. Ég er búinn að fara í eitt próf og það var neikvætt,“ segir hann, spurður út í líðanina.
Stutt er síðan Víðir Reynisson yfirlögregluþjónn fór í sóttkví eftir að hafa verið í viðtali á Rás 2 en þar kom smit upp hjá starfsmanni.
Útlit er fyrir að Óskar losni úr sóttkvínni á fimmtudaginn þegar hann fer í sjö daga sýnatökuna.
Hann segir að ágætlega gangi að stjórna heilsugæslunni. Hann sé lokaður inni í herbergi og að hann hafi gott fólk með sér í liði.
Fjögur smit hjá heilsugæslunni
Alls hafa fjórir starfsmenn heilsugæslunnar greinst með Covid-19 og eru þeir því í einangrun, að sögn Óskars. Tíu eru í sóttkví.
Uppfært kl. 12.25:
Í upphaflegu fréttinni kom fram að Óskar hefði smitast eftir að hafa farið í viðtal á Rás 2. Hið rétta er að Óskar fór í viðtal hjá fréttamanni á öðrum fjölmiðli en fréttamaðurinn starfar einnig fyrir RÚV.
Hafa „ágætis tíma“ til úrbóta
Sárt að horfa upp á illa meðferð fjármuna
Hyggjast leyfa fólki að skoða gosið
Færa slökkviliðið til nútímans
Hægagangur og vaxandi ókyrrð
Mun fara sparlega með málskotsréttinn