Harður árekstur á Akureyri

Harður árekstur tveggja fólksbifreiða varð á gatnamótum Glerárgötu og Strandgötu á Akureyri á miðnætti.

Annar bíllinn hafnaði á umferðarljósi, sem eru óvirk sem stendur.

Að sögn varðstjóra hjá lögreglunni á Norðurlandi eystra fór annar bíllinn yfir á rauðu ljósi með fyrrgreindum afleiðingum.

Enginn var fluttur á slysadeild en einn kvartaði yfir eymslum í brjóstkassa, líklega eftir bílbelti. Annar var með áverka á hendi.

Fjórir voru í bílnum sem fór yfir á rauðu en einn var í bílnum sem hafnaði á umferðarljósinu.

Báðir bílar eru mikið skemmdir.

mbl.is