Stuðningur við ríkisstjórnina eykst

Frá ríkisráðsfundi á gamlársdag á síðasta ári.
Frá ríkisráðsfundi á gamlársdag á síðasta ári. mbl.is/Árni Sæberg

Sjálfstæðisflokkurinn mælist með mest fylgi stjórnmálaflokka á Alþingi eða 25,6%.

Þetta kemur fram í tilkynningu frá könnunarfyrirtækinu MMR.

Fylgi Sjálfstæðisflokksins mælist rúmlega einu og hálfu prósentustigi hærra en við síðustu mælingu MMR, sem gerð var í ágúst.

Stuðningur við ríkisstjórnina mælist 51,0%, og er tæpu prósentustigi meira en við síðustu mælingu.

Þrátt fyrir það dregst fylgi Vinstri grænna saman og mælist nú 8,5%, en mældist 9,6% í síðustu könnun.

Píratar næststærstir

Píratar mælast næststærstir með 15,0% fylgi, tæpu prósentustigi meira en við síðustu mælingu.

Fylgi Samfylkingarinnar hefur á sama tíma dregist saman um tvö prósentustig frá síðustu mælingu og mælist nú 12,8%.

Fylgi Miðflokksins jókst hins vegar um tæplega þrjú prósentustig frá síðustu könnun og mælist nú 10,8%.

mbl.is

Bloggað um fréttina

Fleira áhugavert
Fleira áhugavert