Fengu að sitja aukafund almannavarna

Dagskrárgerðarmenn Krakkafrétta RÚV, þau Birta og Magnús, fengu í dag tækifæri til þess að spyrja Víði Reynisson yfirlögregluþjón og Ölmu D. Möller landlækni spurninga um kórónuveirufaraldurinn sem brenna á yngstu kynslóðinni.

Magnús og Birta fengu að sitja sérstakan aukafund að hefðbundnum upplýsingafundi almannavarna loknum, en hann fór fram síðdegis.

Fundurinn var tekinn upp og verður sýndur á næstu dögum, eins og segir í tilkynningu á facebooksíðu almannavarna.

• Blogga um frétt