Næstu tveir sólarhringar munu leiða í ljós hvort Þórólfur Guðnason sóttvarnarlæknir muni leggja til að sóttvarnaraðgerðir verði hertar. Þórólfur taldi þó ágætt að faraldurinn væri í línulegum vexti en ekki veldisvexti, að því er fram kemur í frétt RÚV.
38 innanlandssmit greindust í gær og var rúmlega helmingur smitaðra í sóttkví en 435 eru nú í einangrun og tveir á sjúkrahúsi. Nýgengi innanlandssmita á hverja 100.000 íbúa síðustu fjórtán daga er nú komið í 113,2, sem er það mesta á Norðurlöndunum.