Þrír jarðskjálftar yfir 4 að stærð urðu norðaustan við Grímsey í nótt. Skömmu fyrir klukkan þrjú í nótt varð skjálfti af stærðinni 4,3 og eftirskjálfti varð skömmu síðar af stærðinni 3,4.
Fylgdu þeir í kjölfar skjálfta af stæðinni 3,7 sem varð á svæðinu í gær.
Rétt upp úr klukkan hálffjögur í nótt urðu síðan tveir skjálftar yfir 4 að stærð með skömmu millibili og voru þeir 4,2 og 4,3 að stærð. Þeim fylgdi skjálfti af stærðinni 3,5.
Veðurstofunni hafa borist tilkynningar um að stærstu skjálftarnir hafi fundist víða á Norðurlandi. Fjöldi minni eftirskjálfta mælist nú á svæðinu.
Öflug jarðskjálftahrina varð á þessum slóðum í febrúar 2018 en þá mældist stærsti skjálftinn 5,2 að stærð.
Veðurstofan bendir fólki sem býr á þekktum skjálftasvæðum á að kynna sér varnir og viðbúnað vegna jarðskjálfta.
Nokkrir snarpir jarðskjálftar hafa orðið um 12 km. NA við Grímsey frá því skjálfti af stærðinni 3,7 varð um hádegisbil í...
Posted by Almannavarnadeild ríkislögreglustjóra on Laugardagur, 26. september 2020