Óljóst hver ók bifreiðinni

Bílarnir skemmdust töluvert og lenti jepplingurinn á öðrum bíl sem …
Bílarnir skemmdust töluvert og lenti jepplingurinn á öðrum bíl sem skemmdist einnig. Ljósmynd/Víkurfréttir

Sá sem var  fluttur á slysadeild til skoðunar vegna umferðaróhapps sem varð í gærkvöldi þegar jepplingur skall á kyrrstæðum fólksbíl við Hringbraut í Keflavík í gær er nú útskrifaður. Þrír voru handteknir grunaðir um ölvunarakstur og vinnur lögregla nú að því að yfirheyra þá, samkvæmt upplýsingum frá lögreglunni á Suðurnesjum. 

„Þetta var umferðaróhapp. Það er grunur um ölvunarakstur og þetta er til skoðunar og rannsóknar,“ segir Sigurbergur Theodórsson aðalvarðstjóri lögregluunnar á Suðurnesjum í samtali við mbl.is.

Spurður hvers vegna þrír séu í haldi, þeir hafi varla allir ekið bifreiðinni segir Sigursteinn að þeir séu í haldi vegna gruns um ölvunarakstur: 

„Lögreglan er náttúrulega ekki á staðnum þegar slysið verður þannig að þarf að komast að því hver ók bifreiðinni. Það er verið að yfirheyra þá til þess að finna út hvað gerðist þarna.“

mbl.is