4,8 stiga skjálfti í Bárðarbungu

Bárðarbunga.
Bárðarbunga. mbl.is/RAX

Skömmu eftir miðnætti varð jarðskjálfti af stærðinni 4,8 í austanverðri Bárðarbungu. Nokkrir minni eftirskjálftar hafa orðið á svæðinu, sá stærsti 2,0 að stærð.

Síðast urðu skjálftar af þessari stærðargráðu í Bárðarbungu í apríl og janúar á þessu ári sem voru einnig 4,8 að stærð.

Þetta kemur fram í tilkynningu frá Veðurstofu Íslands.

Nokkrir minni eftirskjálftar fylgdu skjálftanum en enginn gosórói er á svæðinu, að því er kemur fram í athugasemd veðurfræðings hjá Veðurstofu Íslands.

mbl.is

Bloggað um fréttina