39 smit greindust innanlands

Landspítali/Þorkell Þorkelsson

Alls greindust 39 ný kórónuveirusmit innanlands í gær, þar af 33 hjá þeim sem höfðu farið í sýnatöku vegna einkenna. Þetta kemur fram á covid.is. 34 voru í sóttkví við greiningu. 

Fjögur smit greindust á landamærunum og er beðið eftir niðurstöðu úr mótefnamælingu í öllum tilvikunum.

Fjórir eru enn á sjúkrahúsi, þar af einn á gjörgæslu. 492 eru í einangrun, sem er fjölgun um 37 frá því í gær. Langflestir eru í einangrun á höfuðborgarsvæðinu, eða 425. Næstflestir eru á Vesturlandi, eða 23.

Samtals voru 1.385 sýni tekin, þar af 602 einkennasýni og 629 við landamæraskimun 1 og 2. 

Nýgengi innanlandssmita á hverja 100 þúsund íbúa síðustu 14 daga er komið í 128,2 en í gær var það 118,1.

mbl.is