Víðir eini umsækjandinn

Víðir Reynisson, settur yfirlögregluþjónn hjá embætti ríkislögreglustjóra.
Víðir Reynisson, settur yfirlögregluþjónn hjá embætti ríkislögreglustjóra.

Víðir Reynisson, settur yfirlögregluþjónn hjá embætti ríkislögreglustjóra, er sá eini sem sótti um stöðu yfirlögregluþjóns almannavarnasviðs ríkislögreglustjóra. Auglýstar voru nýjar stöður sviðsstjóra embættisins og eru Grímur Grímsson og Karl Steinar Valsson meðal umsækjenda um starf yfirlögregluþjóns alþjóðasviðs ríkislögreglustjóra.

Umsóknarfrestur um fjórar stöður sviðsstjóra hjá embætti ríkislögreglustjóra rann út 28. september og var birt tilkynning á vef lögreglunnar í gær um hverjir hefðu sótt um.

Auglýst var í nýjar stöður sviðsstjóra þjónustusviðs, yfirlögregluþjóns á landamærasviði, yfirlögregluþjóns alþjóðasviðs og yfirlögregluþjóns almannavarnasviðs. Breytingarnar eru hluti af innleiðingu á nýju skipuriti embættisins.

Staða sviðsstjóra þjónustusviðs ríkislögreglustjóra

Árdís Rut H. Einarsdóttir lögfræðingur.
Hallgrímur Tómasson lögfræðingur.
Rannveig Þórisdóttir, sviðsstjóri hjá lögreglustjóranum á höfuðborgarsvæðinu.
Valdimar Björnsson verkfræðingur. CFO Artic Adventures.

Staða yfirlögregluþjóns landamærasviðs ríkislögreglustjóra

Jón Pétur Jónsson, aðstoðaryfirlögregluþjónn hjá embætti ríkislögreglustjóra.

Staða yfirlögregluþjóns alþjóðasviðs ríkislögreglustjóra

Bjarni Ólafur Ólafsson, lögreglufulltrúi hjá embætti ríkislögreglustjóra.
Grímur Grímsson, yfirlögregluþjónn hjá embætti ríkislögreglustjóra og tengslafulltrúi Europol.
Gylfi Hammer Gylfason, aðstoðaryfirlögregluþjónn hjá embætti ríkislögreglustjóra.
Karl Steinar Valsson, yfirlögregluþjónn hjá embætti lögreglustjórans á höfuðborgarsvæðinu.

Staða yfirlögregluþjóns almannavarnasviðs ríkislögreglustjóra

Guðmundur Víðir Reynisson, settur yfirlögregluþjónn hjá embætti ríkislögreglustjóra.

Farið verður yfir allar umsóknir en fyrirhugað er að ráðið verði í stöðurnar frá 1. nóvember.

mbl.is