Áfengi, tóbak og útvarpsgjald hækka
Setja bókamerki
Krónutölugjöld verða hækkuð um 2,5% á næsta ári, samkvæmt fjárlagafrumvarpi ríkisstjórnarinnar. Hækkunin er undir ársverðbólgu sem mælist 3,2%. Undir krónutölugjöld falla áfengis- og tóbaksgjöld, bensíngjald og bifreiða- og kílómetragjald.
Sömuleiðis verða nefskattarnir tveir, útvarpsgjald og gjald í Framkvæmdasjóð aldraðra, hækkaðir um 2,5%. Verður útvarpsgjald því 18.350 krónur en gjald í framkvæmdasjóð aldraðra 12.000 krónur.
Gert er ráð fyrir að þessar breytingar skili ríkissjóði tveimur milljörðum aukalega á ársgrundvelli.
Áfengisgjald er greitt af hverjum sentilítra hreins áfengis umfram 2,25% af rúmmáli. Krónutalan ræðst þó einnig af tegund drykkjar og verður eftir breytingu 128,79 krónur af bjór, 117,31 króna af áfengjum drykkjum undir 15% að styrk, 158,77 krónur af öðru áfengi.
Ný staða uppi og óvissan meiri
Almannavarnir auka viðbúnað
Hyggjast leyfa fólki að skoða gosið
Mun fara sparlega með málskotsréttinn
Hægagangur og vaxandi ókyrrð
Nauðgaði kærustu sinni og tók það upp
Færa slökkviliðið til nútímans
„Búið að vera í dreifingu í einhvern tíma“