Setja bókamerki
Tvær kærur bárust vegna framkvæmdaleyfisins, önnur frá Landvernd og landeigendum að Hallsteinsnesi og Gröf en hin frá Náttúruverndarsamtökum Íslands og Fuglaverndarfélagi Íslands.
Staðfestir ákvörðun um Teigsskóg
mbl.is/Helgi Bjarnason
Úrskurðarnefnd umhverfis- og auðlindamála hefur staðfest ákvörðun sveitastjórnar Reykhólahrepps um að veita Vegagerðinni framkvæmdaleyfi fyrir Vestfjarðarvegi um Teigsskóg. Sigurður Ingi Jóhannsson samgöngu- og sveitarstjórnarráðherra segir ákvörðunina mikið gleðiefni.
Úrskurðarnefndin segir sveitastjórnina hafa fært fram rök fyrir því að þeir samfélagslegu hagsmunir sem hafi í för með sér aukið umferðaröryggi vegfarenda feli í sér brýna nauðsyn. Það séu almannahagsmunir og margir kostir hafi verið skoðaðir áður en ákvörðun var tekin.
„Í dag er gleðidagur, úrskurðarnefndin hefur kveðið upp sinn dóm skýrt og skorinort. Stöðvun á framkvæmdir í gegnum Teigsskóg er aflétt. Vegagerðin hyggst bjóða út þverun Þorskafjarðar í haust og hefja framkvæmdir í vetur. Þetta er verk upp á 2,5-3 ár. Samhliða verður unnið að öðrum köflum verksins þannig að verklok ættu að geta orðið 2024,“ skrifaði Sigurður Ingi á Facebook.
Skrítin menning í bankanum
Myndskeið: Braut rúðurnar og rölti svo í burtu
Stóraukið fé til samgöngusáttmála
Sat á þaki byggingarinnar þegar eldurinn kviknaði
Hjón sluppu með skrekkinn
Mikil skjálftavirkni á landinu áhyggjuefni