„Fyrirliggjandi athugun vegna málsins hefur ekki gefið tilefni til þess að skoða fleiri sýni en nú hafa verið endurskoðuð“, segir í svari Krabbameinsfélagsins við fyrirspurn mbl.is um það hvort til standi að endurskoða sýni úr leghálsskimun lengra aftur í tímann en nú hefur verið gert.

Tilefni fyrirspurnarinnar eru mál tveggja kvenna sem greindust með frumubreytingar í leghálsi árið 2013 en voru ekki látnar vita, að sögn lögmanns sem er með mál þeirra á sínu borði. Báðar greindust þær síðar með krabbamein. Önnur kvennanna er látin en hin þurfti að fara í legnám. 

Í morgun tilkynnti Krabbameinsfélagið að end­ur­skoðun sýna í kjöl­far al­var­legs at­viks á leit­ar­stöð félagsins væri lokið. End­an­leg­ur fjöldi end­ur­skoðaðra sýna reynd­ist nokkuð minni en áætlað var í upp­hafi, eða 4.950. Sýnin sem voru endurskoðuð ná ekki til ársins 2013. 

Frétt af mbl.is

Greindist en var ekki látin vita

Sævar Þór Jónsson, lögmaður sem er með ofangreind mál á sínu borði og ætlar að tilkynna þau til landlæknis, sagði í samtali við mbl.is í dag að málin gæfu til kynna að það þyrfti að fara í at­hug­un á eldri sýn­um hjá Krabba­meins­fé­lag­inu.

„Það virðist vera að ferlið þarna inn­an dyra hafi í lang­an tíma ekki verið í lagi,“ sagði Sævar.

Hvorki náðist í framkvæmdastjóra Krabbameinsfélagsins né yfirlækni við vinnslu fréttarinnar og fengust þau svör frá Krabbameinsfélaginu að það tjáði sig ekki um einstök mál. Ekki hafa fengist svör við því hvaða verkferla sé gripið til ef ekki næst í konur sem greinast með frumubreytingar. Slíkar breytingar geta leitt til krabbameins. 

Tengdar fréttir

Krabbameinsfélagið

71 milljón úthlutað til krabbameinsrannsókna

• Að eiga mömmu og pabba með krabba
• Krabbameinsfélagið kemur á fót notendaráði
• Látin aðeins 40 ára að aldri
• Greina sýni vegna leghálskrabbameins á Landspítala

» Fleiri tengdar fréttir

• Blogga um frétt