Segir ríkisstjórnina skýla sér bak við þríeykið
Setja bókamerki
Bergþór Ólason, þingmaður Miðflokksins, segir það Alþingi ekki samboðið að meiriháttar ákvarðanir um sóttvarnaráðstafanir, þar sem borgaralegum réttindum er ýtt til hliðar, séu teknar án efnislegrar umræðu í þinginu.
Ríkisstjórnin hafi útvistað ábyrgðinni á meðhöndlun faraldursins til embættismanna, þ.á m. þríeykisins til að forðast gagnrýni.
Þetta sagði Bergþór í umræðum á Alþingi nú fyrir stundu, en þar er rætt um skýrslu sem Páll Hreinsson lögfræðingur hefur tekið saman fyrir forsætisráðherra um valdheimildir sóttvarnalæknis og heilbrigðisráðherra til sóttvarnaráðstafana.
„Flótti stjórnvalda frá ábyrgð í málinu er svo einbeittur að sóttvarnalæknir þurfti að kalla sérstaklega eftir því að stjórnvöld kæmu að borðinu,“ sagði Bergþór án þess að útskýra það nánar. Vera má að hann hafi vísað til þess þegar sóttvarnalæknir lagði fyrir ráðherra nýju útfærslur að aðgerðum á landamærum.
Bergþór sagði engum blöðum um það að fletta að áhrif sóttvarnaaðgerða væru gríðarlegar og heilu atvinnugreinarnar berðust nú í bökkum. „Hægt er að líta á samfélagið sem eitt risastórt stjórnborð með þúsund mælum. Undanfarna mánuði hefur verið einblínt á einn mæli, það er Covid-19-tölfræðin, en ótalmargir aðrir mikilvægir látnir liggja á milli hluta. Það er staða sem ekki er hægt að búa við.“
Hyggjast leyfa fólki að skoða gosið
Bjarkey stendur við skammarbréf Svandísar
Hafa „ágætis tíma“ til úrbóta
Spursmál: Fyrsta stóra viðtal Katrínar
Segjast hafa skotið niður langdræga sprengjuvél
Sárt að horfa upp á illa meðferð fjármuna
Nauðgaði kærustu sinni og tók það upp
Mikilvægt að vera á tánum