Umferðarslys við Klettháls

Umferðarlsys varð á fimmta tímanum í dag við Klettháls í Reykjavík að því er fram kemur í dagbók lögreglu en óljóst er hvort einhverjum hafi orðið meint af. Ekki fást nánari upplýsingar um málið að svo stöddu.

Laust fyrir átta í morgun barst lögreglu tilkynning um innbrot. Hafði þá verið brotist inn í vinnuskúr og tölvum og skjám stolið. 

Um ellefuleytið var lögreglu tilkynnt um eignaspjöll á sendiráði í miðbænum.

Þá var ökumaður stöðvaður í akstri um hádegisbil í dag, grunaður um akstur undir áhrifum fíkniefna. Þegar ökumanninum var flett upp kom í ljós að hann hafði engin ökuréttindi. Auk þess fjarlægði lögregla skráningarmerki bifreiðarinnar þar sem hún var ótryggð.

Að lokum var þjófur staðinn að verki í Kringlunni í dag og tók lögregla af honum skýrslu.

• Blogga um frétt