Almannavarnadeild ríkislögreglustjóra og embætti landlæknis boða til upplýsingafundar klukkan 11:00 í dag. Þar munu Alma Möller landlæknir og Þórólfur Guðnason sóttvarnalæknir fara yfir stöðu mála varðandi framgang COVID-19-faraldursins hér á landi ásamt Víði Reynissyni yfirlögregluþjóni.
Gestur fundarins verður Páll Matthíasson, forstjóri Landspítala. mbl.is mun sýna beint frá fundinum og flytja fréttir af honum.