Innlent | mbl | 28.10.2020 | 13:50

Fá 150 milljónir vegna hruns í ferðaþjónustu

Mýrdalshreppur er á meðal sveitarfélaganna sex sem fá 150 milljónir. mbl.is/Jónas Erlendsson

Samningar um 150 milljón króna króna fjárveitingu til sex sveitarfélaga vegna hruns í ferðaþjónustu í kjölfar Covid-19 heimsfaraldursins voru undirritaðir á dögunum, að því er fram kemur í tilkynningu á vef stjórnarráðsins.

Alþingi samþykkti framlagið í vor á fjáraukalögum 2020 til aðgerða til að styðja við atvinnulíf og samfélag vegna þessara tímabundnu aðstæðna. Sveitarfélögin eru Mýrdalshreppur, Skaftárhreppur, Skútustaðahreppur, Bláskógabyggð, Sveitarfélagið Hornafjörður og Rangárþing eystra.

„Tvö teymi með fulltrúum frá samgöngu- og sveitarstjórnarráðuneyti, Byggðastofnun og Samtökum sveitarfélaga á Norðurlandi eystra annars vegar og Samtökum sunnlenskra sveitarfélaga hins vegar fengu það verkefni að greina nánar stöðu og áskoranir sveitarfélaganna sex. Sérstaklega var horft til hvaða áhrif aðgerðir hefðu í samfélögunum, meðal annars hvernig þær mættu þeim hópum sem þar standa verst. Stór hluti atvinnuleitenda í sveitarfélögunum eru erlendir ríkisborgarar,“ segir í tilkynningunni.

Á haustmánuðum skiluðu sveitarfélögin inn fullbúnum tillögum um 21 aðgerð sem samráðsteymið fór yfir og veitti ráðgjöf með og á grunni þeirra hafa verið undirritaðir samningar við sveitarfélögin sex.

„Markmið aðgerðanna er að skapa betri grundvöll fyrir fjölbreyttara atvinnulíf til lengri tíma og styrkja stoðir þeirra og stuðla að nýsköpun.“

Aðgerðirnar eru eftirfarandi:

Mýrdalshreppur