Nokkrir hundanna sem lentu í eldsvoða í Arakór í Kópavogi í gær braggast vel, að því er fram kemur í facebookfærslu slökkviliðsins á höfuðborgarsvæðinu. Fjórum hundum var bjargað úr eldsvoðanum en sex hundar drápust.
„Þegar dýrunum var bjargað meðvitundarlausum var þeim gefið súrefni og öndunarbelgir nýttir til að hjálpa þeim að anda,“ segir í færslunni.
„Við fengum gær góðu fréttir í dag að þeir brögguðust vel. Meðfylgjandi eru myndir af tveimur þeirra sem við fengum sendar frá eiganda þeirra ásamt þökkum og skilum við góðum kveðjum til þeirra allra.“