Alls greindust 42 smit innanlands í gær. Af þeim voru 52% í sóttkví en 20 einstaklingar voru utan sóttkvíar eða 48%.Nú eru 1.005 í einangrun á Íslandi en voru 1.062 í gær. Á spítala eru 62 sjúklingar með kórónuveiruna og af þeim eru tveir á gjörgæslu.
Við landamærin voru greind 12 virk smit í gær og eitt við seinni skimun. Fjórir bíða mótefnamælingar. Þetta eru allt smit sem biðu mótefnamælingar í gær en nú hefur hluti þeirra verið staðfestur, það er að viðkomandi eru með virk smit.
1.730 eru í sóttkví og 1.605 eru í skimunarsóttkví en í þeim hópi eru þeir sem þurfa að fara í sóttkví á milli skimana á landamærunum.
33 smit voru greind við einkennasýnatöku í gær og 9 við sóttkvíar- og handahófsskimun.
Alls voru 1.473 sýni tekin innanlands í gær og 567 við landamærin. Þetta eru miklu færri sýni innanlands en tekin voru daginn áður, þriðjudag.
Miðað við 100 þúsund íbúa er 211,1 smit innanlands síðustu tvær vikurnar en 24,3 á landamærunum á sama tímabili.
12 börn yngri en eins árs eru í einangrun, 24 börn á aldrinum 1-5 ára eru í einangrun og 93 börn 6-12 ára. 50 börn á aldrinum 13-17 ára eru með Covid-19 í dag þannig að alls eru 179 börn smituð af kórónuveirunni í dag.
Í aldurshópnum 18-29 ára eru 260 smit, á fertugsaldri eru smitin nú 140 talsins en í aldurshópnum 40-49 ára eru þau 136. Á sextugsaldri eru 106 með Covid og á sjötugsaldri eru þeir 83 talsins. 43 eru með Covid á aldrinum 70-79 ára, 40 á níræðisaldri og 20 einstaklingar yfir nírætt eru með veiruna að því er fram kemur á covid.is.
Á höfuðborgarsvæðinu er 790 í einangrun og 1.093 eru í sóttkví. Á Suðurnesjum eru 56 smitaðir en 138 í sóttkví. Á Suðurlandi eru 62 smit en 119 í sóttkví. Á Norðurlandi eystra er 51 smit og 243 í sóttkví. Á Norðvesturlandi eru 4 smit og 30 í sóttkví. Á Austurlandi er ekkert smit og enginn er í sóttkví. Á Vestfjörðum eru 12 smit og 18 í sóttkví og á Vesturlandi er 25 smit og 55 í sóttkví. Óstaðsettir í hús eru 7 smitaðir og 34 í sóttkví.