Alls greindust 75 kórónuveirusmit innanlands í gær. Nú eru 996 í einangrun en þeir voru 1.005 í gær. Á spítala eru 64 sjúklingar veikir af Covid-19 og af þeim eru fjórir á gjörgæslu.
15 af þeim sem greindust í gær voru utan sóttkvíar við greiningu en hinir 60 voru í sóttkví.
Eitt virkt smit greindist við landamæraskimun í gær en fjórir bíða mótefnamælingar.
1.654 eru í sóttkví og 1.443 eru í skimunarsóttkví en í þeim hópi eru þeir sem þurfa að fara í sóttkví á milli skimana á landamærunum.
Um 2.000 sýni voru tekin innanlands í gær og 465 við landamærin.
Nýgengi smita innanlands á hverja 100.000 íbúa síðustu tvær vikurnar er nú 213,3 en 24,8 við landamærin.