Svöruðu upplýsingabeiðni um mál dæmda níðingsins

Alþjóðadeild ríkislögreglustjóra átti í samskiptum við spænsk lögregluyfirvöld vegna máls Íslendings sem var dæmdur í tólf ára fangelsi fyrir barnaníð í Danmörku en yfirgaf landið fyrir afplánun og var handtekinn á Spáni í vikunni. Þetta kemur fram í skriflegu svari frá embætti ríkislögreglustjóra við fyrirspurn mbl.is. 

Samkvæmt upplýsingum frá ríkislögreglustjóra voru samskiptin á þá leið að beiðni spænskra lögregluyfirvalda um upplýsingar var svarað. Rannsóknin sé þó á forræði danskra yfirvalda og framsalsmálið á forræði spænska yfirvalda. Því vísar embætti ríkislögreglustjóra beiðnum um upplýsingar þangað. 

Ekki fengust svör við því hvort maðurinn hafi verið til rannsóknar hérlendis, en hann braut á dóttur sinni hér á landi skv. dómi sem féll í Danmörku, hvort hann eigi lengri brotaferil að baki eða um það hvort íslensk lögregluyfirvöld muni óska þess að hann verði framseldur hingað til lands.

Frétt af mbl.is

Eftirlýstur barnaníðingur handtekinn á Spáni

Eins og mbl.is hefur áður greint frá var utanríkisráðuneytinu gert viðvart um málið. 

Spænska lög­regl­an sendi frá sér til­kynn­ingu um málið á þriðjudag. Þar kom fram að hún hefði hand­samað Íslend­ing sem flúði rétt­vís­ina í Dan­mörku þar sem hans bíður tólf ára fang­els­is­dóm­ur fyr­ir barn­aníð.

Maður­inn var fund­inn sek­ur um að hafa nauðgað dótt­ur sinni tíu sinn­um og beitt hana öðru lík­am­legu of­beldi. Þá var hann einnig fund­inn sek­ur um vörslu barnakláms. Brot­in áttu sér stað á ár­un­um 2006 til 2010, bæði hér á landi og í Dan­mörku. Hann lagði á flótta áður en afplán­un hófst. Því var evr­ópsk hand­töku­skip­un gef­in út á hend­ur mann­in­um í júní. 

• Blogga um frétt