Vörukarfa Alþýðusambandsins hefur hækkaði í verði um 0,5%-2,6% frá því í maí. Þetta sýnir ný verðkönnun Alþýðusambandsins. Mest var hækkunin í Nettó, um 2,6% og næstmest í Bónus, 2,4%. Minnst var hækkunin hins vegar í Hagkaupum þar sem hækkunin nam 0,5%.

Þá hækkaði verð um 2,1% í verslunum Iceland, um 1,8% í Kjörbúðinni og 1,7% í Krambúðinni.

Verðbreytingar einstakra vöruflokka voru æði misjafnar milli verslana. Þannig hækkaði verð á grænmeti og ávöxtum um 6,8% milli mælinga í Bónus, 2,6% í Krónunni og 0,4% í Hagkaupum. Í öðrum verslunum lækkaði verð hins vegar milli mælinga.

Matarkarfa ASÍ samanstendur af almennum matar- og drykkjarvörum, svo sem brauði, morgunkorni, pasta kjöti, fiski, grænmeti, ávöxtum, pakkavörum, kaffi, gosi og safa. Við samsetningu körfunnar eru hafðar til hliðsjónar vogir Hagstofunnar um vægi hvers flokks svo karfan endurspegli almenn innkaup meðalheimilis.

Tengdar fréttir

Verðkannanir

Verð á brauði, kexi og kökum hækkað

• Jólamaturinn hækkar mest í verði í Iceland
• Mesta hækkunin hjá Iceland og Hagkaupum
• Iceland dýrasta verslunin í nýrri könnun
• 105% verðmunur á ávöxtum og grænmeti

» Fleiri tengdar fréttir

• Blogga um frétt