Prestaköll sameinuð víða um land

Fimm ný prestaköll urðu til 7. október síðastliðinn og oft er fjöldi sókna innan þeirra og svo teymi kennimanna þar sem sóknarprestur fer með verkstjórn.

Þannig mynda Laugarnes-, Ás- og Langholtssóknir í austurhluta Reykjavíkur nú eitt Laugardalsprestakall þar sem sr. Guðbjörg Jóhannesdóttir er í forystu. Í Kópavogi er Digranes- og Hjallaprestakall orðið til og á norðanverðum Vestfjörðum mynda alla sóknir frá Dýrafirði inn í Djúp nú Ísafjarðarprestakall. Innan þess eru þéttbýlisstaðirnir Þingeyri, Flateyri, Suðureyri, Ísafjörður og Bolungarvík – og fjöldni kirkna í dreifbýli.

Norðanlands er svo búið að sameina Akureyrar- og Laugalandsprestaköll sem landfræðilega spanna stóran hluta Akureyrarbæjar og Eyjafjarðarsveit, þar sem eru sex guðshús; það er á Grund, Saurbæ, Hólum, Möðruvöllum, Munkaþverá og Kaupangi, að því er fram kemur í Morgunblaðinu í dag.