Áhöfn þyrlu Landhelgisgæslunnar var að lenda við Landspítalann í Fossvogi með sjúkling sem var sóttur á Vesturland vegna bráðra veikinda.
Ásgeir Erlendsson, upplýsingafulltrúi Landhelgisgæslunnar, segir að óskað hafi verið eftir aðstoð þyrlu vegna bráðra veikinda skammt frá Búðardal á öðrum tímanum í dag. Þyrlan fór fljótlega í loftið til móts við sjúkrabíl sem flutti sjúklinginn. Þyrlan lenti klukkan 14:30 við Landspítalann með sjúklinginn.