Vill ekki útbreiðslu smita um jólin
Setja bókamerki
Þórólfur Guðnason sóttvarnalæknir segir að ekki beri að túlka daglegar sveiflur of sterkt og best sé að sjá hvernig fram vindur en níu kórónuveirutilfelli greindust í gær. Tilfellin voru þrjú í fyrradag en þá voru mun færri sýni tekin.
„Þetta segir okkur að veiran en enn þá þarna úti í samfélaginu. Hún er að stinga sér niður og er að smita fólk sem er ekki í sóttkví og er ekkert útsett svo það viti,“ segir Þórólfur. „Hún er ekki farin, það er það sem við þurfum öll að vera meðvituð um.“
Spurður út í mögulegar afléttingar á takmörkunum segir hann: „Ef maður veit að veiran er enn þá þarna er maður smeykur við að slaka á of mikið. Ef við slökum of mikið á núna gætum við verið komin með mikinn faraldur um jólin. Það væri ekki gaman yfir jólin að vera allt í einu komin með mikla útbreiðslu á smiti. Það gæti gerst,“ greinir Þórólfur frá.
Hann kveðst ætla að skila næstu tillögum sínum til heilbrigðisráðherra varðandi sóttvarnaráðstafanir síðar í þessari viku.
Þarf að fylgja ákveðinni línu í skólunum
Spurður út í þær undanþágur frá sóttvarnareglum sem Fjölbrautaskólinn í Garðabæ óskaði eftir og var hafnað segir hann að ráðuneytið annist allar undanþágur. Hann segir hátt í 100 undanþágubeiðnir koma í hverjum mánuði. Fylgja þurfi ákveðinni línu vegna þeirra. „Það er ljóst að ef við erum með mikið af undanþágum erum við ekki með neinar takmarkanir í gangi.“
Hann segir mikið samráð vera í gangi um sóttvarnir í skólum en bætir við að útfærslan geti verið fjölbreytt og flókin á köflum. „Það eru allir af vilja gerðir að reyna að gera eins vel og hægt er.“
Starfsfólk gæti fengið reikning frá Skattinum
Mikil skjálftavirkni á landinu áhyggjuefni
„Menn eru bara búnir að forgangsraða“
Markaðurinn hitnar og leiguverð hækkar hratt
Segir óábyrgt að skipta út öllu bankaráðinu
Stóraukið fé til samgöngusáttmála